fbpx

White Balance أساسيات التصوير : ٦ توازن اللون الأبيض

 White Balance Tutorial توازن اللون الابيض

 

سلام عليكم

عشان الاستفادة تبقي كاملة راجعوا الدروس القديمة من هنا 

 مسألتش نفسك ليه ممكن الصورة تطلع ألوانها صفرا أو زرقا وانت بتصور ؟

وليه ممكن ألوان الصورة تبقي مش دقيقة ؟ وإية أحسن طريقة لظبط الألوان من الكاميرا مباشرة ؟

White Balance  الدرس  ده هيجاوب على كل الأسئلة دى , درس النهاردة عن توازن اللون الأبيض

  

بداية لازم تعرف إن الضوء بيختلف باختلاف الحاجة اللى بتنور مش بتكلم على جودة الإضاءة إنما المقصود الخصائص اللونية للنور

ربنا خلق الانسان بامكانيات رهيبة كلها تدل على عظمته ومن ضمنها موضوع تمييز الألوان يعني هتلاقي إن عقلك بيقدر يميز الألوان  – وخلونا نحصرها دلوقتي في اللون الأبيض عشان اللون الأبيض هو أساس الالوان كلها – هتلاقي عقلك بيقدر يميز اللون الأبيض باختلاف مصادر الاضاءة المختلفة والكلام هنا عن المعلومة النهائية اللى وصلتلك وأدركتها ” إن اللون ده أبيض ” بغض النظر عن اللون اللي عينك سجلته

لما بنصور الكاميرا بتنقل اللى قدامها مش اللى احنا شايفينه وبالتالى بتنقل اللون اللى قدامها

وبما إن كل ضوء ليه خصائص لونية مختلفة بتتسمي الحرارة اللونية عن التاني فلازم الكاميرا تفهم إية نوع الضوء اللى في الصورة عشان تظبط الألوان بناء علي كدة 

 White Balance عملية معالجة الضوء في الصورة عشان تحسب الخصائص اللونية ليه وتشيلها فتخلى الألوان طبيعية اسمها : توازن الأبيض

وكل كاميرا فيها مجموعة من الاعدادات المسبقة لمصادر الإضاءة المختلفة تخليك تقدر تاخد أقرب إعدادات للواقع بدون الدخول في حسابات كتير

 ولكن علشان الموضوع يبقي علمي كان لازم يكون في وحدة قياس للنقطة دى , زى ما المسافة بتتقاس بالمتر والوزن بالكيلو وحدة قياس الحرارة اللونية اسمها كيلفن

K وبيرمز لها 

 

 

الجدول ده هيوضح الموضوع أكتر بكل مصدر اضاءة وحرارته اللونية بالاضافة للوضع المناسب ليها في الكاميرا

White balance sheet توازن الأبيض
مصدر الاضاءة – الحرارة اللونية – الوضع المناسب 

 

 وده مكان إعدادات توازن الأبيض في الكاميرات كانون ونيكون 

Nikon White Balance

Canon White Balance

 دى صورة صورتها السنة اللى فاتت في أسوان هتوضح الفرق بين أوضاع توازن الأبيض المختلفة , لاحظوا إن الاضاءة واحدة واللى إختلف بس طريقة فهم الكاميرا للاضاءة دى وده للي بيخلينا ممكن نستخدم أوضاع مختلفة عن الوضع المناسب للنور لو حبينا فنعمل تأثير فني للصورة

Sample White Balance توازن اللون الأبيض
Sample White Balance تأثير توازن اللون الأبيض




  

وعشان الموضوع يوضح أكتر خلينى أقولكم ان في مؤشرين للحرارة اللونية 

Temp المؤشر الأول  

 وده بيكون فيه الدرجات من البرتقالى للأزرق بمعني إنك لو زودت الدرجة هتزود برتقالى أو أصفر ولو قللت هتزود الأزرق وهكذا 

Tint المؤشر الثاني   

 وده بيكون فيه الدرجات من الأخضر للماجينتا “البنفسجي ” والاتنين بتقدر تتحكم فيهم من برامج المعالجة زى اللايت روم أو الكاميرا رو وده مكانهم في البرامج

Colour Temperature and Tint تعديل الدرجات اللونية
Color Temperature and Tint تعديل الدرجات اللونية

حاجة كمان لو انت مصور  رو هتقدر تتحكم فى توازن الأبيض بشكل كامل في برامج المعالجة بل هتلاقي كمان الأوضاع بتاعة الكاميرا موجودة لو حبيت تستخدمها ولكن لو مصور جى بي جى هيبقي التحكم محدود 

White Balance presets اعدادات تةاون الأبيض المسبقة
White Balance presets اعدادات توازن الأبيض المسبقة

 

نفهم من كدة إنك لو بتصور رو أهمية ظبط الوايت بالانس مش بتبقي زى ال جى بى جى لإنك لو مصور رو هتقدر تعدل إعدادات توازن الأبيض في برامج المعالجة

 

Custom White Balance ظبط توازن الأبيض يدويا 

بالاضافة للأوضاع اللى فوق ممكن تظبط إعدادات توازن الأبيض يدويا باستخدام أدوات مختلفة زى مثلا

كارت أبيض – كارت رمادى – كارت الألوان

 

 هنشرح أول أداتين وهنخلى كارت الألوان لوحدة في درس تاني لانه طريقة متقدمة شوية وغير مستخدمة في المستوى المبتدئ 

تطبيق على استخدام توازن الابيض اليدوى
تطبيق على استخدام توازن الابيض اليدوى من احد دورات فوتوخانة

زى ما واضح في الصورة الموديل أو الهدف اللى بتصوره بتغطى أهم جزء فيه بالكارت الأبيض/الرمادى وتاخد صورة تحاول تملى الاطار بالكارت وبعدين بتدخل على إعدادات الكاميرا وتختار الصورة دى ان الكاميرا تظبط عليها توازن الأبيض

 الكاميرا بتقدر تطلع تأثيرات الألوان اللى جت من المصادر المختلفة للضوء بشكل لو التأثيرات لو سجلتها على اللون الأبيض أو الرمادى فبالتالى لما هتديها صورة للكارت في الاضاءة دى وتخليها تحسب الحرارة اللونية للاضاءة الواقعة عليها هتطلع بنتائج أحسن بكتير من استخدام توازن الأبيض التلقائى

 هتدخل على قائمة كاميرتك وتعدل توازن الأبيض اليدوى زى الصورة دى بانك تختار صورة الكارت اللى لسة مصوره وبكدة تبقي فهمت الكاميرا إنها تاخد إعداداتها من  الصورة دى .

Nikon Custom Shite Balance

canon_custom_wb

 

وبعد كدة ترجع في نفس القائمة اللى بتغير بيها الاعدادات وتختار توازن الأبيض يدوى

ملحوظة مهمة جدا

توازن الأبيض بيختلف باختلاف ظروف الإضاءة فلو بتصور حد في مكان واتحرك جوه المكان نفسه لظروف اضاءة تانية لازم تظبط توازن الأبيض مرة تانية 

 

لو عجبك الدرس .. شير مع صحابك واشترك في الموقع وخليك أول واحد يشوف الدروس و الصور الجديدة  

 

:المصادر

Photography life – Nikon Usa – Digital-Photography-School – Exposure Guide – Wikipedia

 

 

Comments

comments

Leave a Reply

%d bloggers like this: