ازاي تحسب التعريض المناسب بدون كاميرا او مقياس ضوء أو ميترينج ؟

ببساطة هى نفس القاعدة اللى كان بيستخدمها مصورى الفيلم زمان فى حساب التعريض المناسب للقطة  

وهى خدت إسمها نتيجة لإن أساس حسابها بيكون على التصوير فى يوم مشمس ومنها جه اسم صنى

القاعدة بتقول إنك لو بتصور فى يوم مشمس على فتحة 16 عشان تظبط التعريض بتاعك خلى الشاتر يبقى 1/الأيزو

يعنى لو بتصور على أيزو 100
يبقى الشاتر 1/100
أيزو 200
الشاتر 1/200 وهكذا ..
طيب لو الإضاءة اتغيرت هنعمل إية ؟
الجدول الموجود فى صورة الشرح بيوضح فتحة العدسة المناسبة لكل إضاءة طبعا مع تثبيت العلاقة بين الشاتر والأيزو واللى هى الشاتر = 1/الأيزو

طبعا لو حبيت تغير أى حاجة من الحاجات اللى فوق بتعوض فرق الإعدادات فى العنصرين التانيين

يعنى لو الإعدادات المناسبة
F 16 – ISO 100 – 1/100
وانت حبيت تضيق فتحة العدسة
هتبقى F22-
فتحة العدسة كدة قلت إف ستوب يعنى هتدخل نصف الضوء اللى كان هيدخل فى الاعدادات السابقة وبالتالى هعمل حاجة من الاتنين ..
لإما هقلل سرعة الشاتر للنص وأخلى الأيزو زى ما هو
1/50 -100
أو أخلى الشاتر زى ما هو وأعلى الأيزو الضعف
1/100 – 200
وبكدة تفضل الصورة مظبوطة كتعريض وطبعا الكلام ده ينطبق على أى تغيير فى باقى العناصر سواء شاتر او أيزو

المصادر
slrlounge
en.wikipedia

لو شايف الدرس مفيد شير وخلي الناس تعرف ..واشترك في الموقع عشان تعرف أكتر 

Comments

comments